6-ты школьны дзень пад дэвізам “Жыву ў Беларусі і тым ганаруся”
20.03.201718 сакавіка 2017 года ў ДУА “Жыдчанская сярэдняя школа” Пінскага раёна шосты школьны дзень прайшоў пад дэвізам “Жыву ў Беларусі і тым ганаруся”. У гэты дзень акрамя факультатываў для старэйшых класаў і аб’яднання па інтарэсах для малодшых класаў вучні школы 6-8 класаў адправіліся ў паездку ў Раённы цэнрт турызму і краязнаўства дзяцей і моладзі ў вёску Ставок, для вучняў малодшых класаў было арганізавана завочнае падарожжа “Па старонках Чырвонай кнігі РБ”, вучні 9 і 11 класаў правялі акцыю “Вывучаем родны край”.
У завочным падарожжы “Па старонках Чырвонай кнігі РБ” навучэнцы пачатковых класаў прагледзілі відэафільм “Прырода Беларусі. Запаведнымі сцежкамі беларускай зямлі” з далейшым яго абмеркаваннем. Настаўнік пачатковых класаў Раманчанка Л. Р. пазнаёміла вучняў з беларускімі запаведнікамі і нацыянальнымі паркамі, расказала пра Чырвоную кгігу РБ, правяла выставу кніг.
Бібліятэкар Марчук Т. М. з 9 і 11 класамі правялі акцыю “Вывучаем родны край”. Вучні вывучалі звесткі пра нашу вёску Жыдча: адкуль пайшла назва вёскі і затым усю інфармацыю размясцілі ў выглядзе брашурак. Пасля брашуркі раздалі настаўнікам і работнікам школы.
Юхціковіч М. Ю., педагог-арганізатар